मूल्य बृद्धिको मारमा नेपाली जनता
पेट्रोल÷डिजेल÷मट्टितेलमा एक रुपिया मात्रै बढ्दा पनि अन्य उपभोग्य सामग्रीको मूल्यले त आकास नै छुन्छ । सरकारले विद्यार्थीको लागि छुटको कुरा गर्छ तर पसलेले छुट दिदैन्, पेट्रोलमा मूल्य बृद्धि हुनासाथ घरबेटीले भाँडा घटाउँदैनन् झन उनीहरुले घरको भाँडा बढाउने मौका पाउँछन्, गाडि भाँडा बढ्छ, तरकारीको भाउँ बढ्छ र यसको सम्पुर्ण मार विद्यार्थी तथा अरुको घरमा वहालमा वस्नेहरुलाई पर्छ । नेताहरुलाई के मतलव जतिसुकै ग्यासको अभाव भएपनि एउटा फोनकलमा घरमै ग्यास आएकै छ, जतिसुकै पेट्रोलको अभाव भएपनि करौडौको गाडीमा घुम्न पाएकै छन्, नेपाली जनताहरुको पैसामा मोज गर्न पाएकै छन्, गरिबको घरमा खाना खानलाई राज्यको ढुकुटिबाट लाखौ लुटाएकै छन्, छोरा छोरीलाई विदेशी दुतावासको सहयोगमा विदेश पठाएकै छन्, श्रीमतिसँग देश–विदेश घुम्न गएकै छन्, बन्द–हडतालमा पनि निडर रातो बत्तिको मद्दतले जान मन लागेको ठाउँमा गएकै छन् । तीनीहरुलाई न त महङ्गीले प्रभाव पार्न सकेको छ न त कुनै बन्द हडतालले छेकेको छ, सबैको मारमा पर्ने त सर्बसाधारण जनता नै हो ।
झन सत्ताको लागि बारम्बार बन्द गर्ने दलहरु पनि जनतालाई प्रत्यक्ष प्रभाव पार्ने यस मूल्य बृद्धिको विरोधमा कहिल्यै पनि चेतावनी मूलक बन्द पनि गरेनन् । सायद माउ पार्टी सत्तामा हुँदा मूल्य बृद्धिले उनका भातृ संगठनहरुलाई कुनै असर नै नपर्ने तर विपक्षमा हुँदा मात्रै असर पर्ने जस्तो गरि सत्ता पक्षिय विद्यार्थी संगठनले कहिले पनि मूल्य बृद्धिको विरोध गर्ने गर्दैन् । केही विद्यार्थी संगठनहरुले यसको विरोध गरेपनि त्यो विरोध प्रयाप्त हुन सकेको छैन् ।
राजनीतिक स्वार्थको लागि गर्ने गरेको बन्दको साटो यसरी जनतालाई प्रत्यक्ष प्रभाव पार्ने कुराको विरोधमा जे जस्तो कार्य गरेपनि सम्पुर्ण जनताले साथ दिने थियो तर ती टाउकेहरुलाई यसले कुनै पनि असर नपर्ने भएकोले यसको विरोध समेत गर्दैनन् ।
विभिन्न राष्ट्रिय तथाअन्तराष्ट्रिय संघ–संस्थाको रिपोर्टलाई आधार मान्ने हो भने नेपालको ४० प्रतिशत जनसंख्या अझै पनि गरिबीको रेखा मुनि नै रहेको छ । जसको दैनिक आम्दानी १०० रुपिया पनि छैन् तर मट्टितेल नै करिब सय रुपिया प्रति लिटर पर्छ भने के ती जनताहरु भोकै बसुन्रु झन दैनिक उपभोग्य सामग्रीको मूल्य त आकासिए कै छ । तर पनि सरकार गरिब नपाली जनताहरुलाई झन गरिबीमा धकेलिरहेको छ ।
Comments
Post a Comment